அதிகரித்துவிட்ட நிலையில் நொயை இனம் காணும் வேகமும் அதிகரிக்க வேண்டும்

தற்போது ஏற்பட்டுள்ள மாற்றங்கள் யாவற்றினதும் தொடர் நிலைகள் எவ்வாறு அமையும் என்பதை கருதும் முன்பு எமது சூழலில் நோய்களின் தொற்றும் தகவும் அவற்றை இனம் காண்பதும் எந்த நிலையில் உயிர்த் துடிப்புடன் இருக்கின்றதா என்று எண்ணும் நிலையே காணப்படுகின்றது. சமூக நோய்கள் பற்றி சமூக ஆர்வலர்கள் தமது குறைந்த பட்ச பங்களிப்பை காண்பிக்கின்ற நிலையில் மக்கள் விழிப்புற வேண்டும் என்ற தேவையே உள்ளது.

     சமூக நோய்கள் என்னும் போது… கொனேரியா, சிரிலிசு, கொனேரியா அல்லாத சிறுநீர் அழற்சி, பாலுறுப்பு உண்ணி பாலுறுப்பு ஹேர்பிஸ், எயிட்ஸ் என்பன அடங்குகின்றன. 
     இவை தொடர்பான அறிகுறிகள் பற்றி அறிந்திருப்பினும் இவற்றின் பரவல் வழிமுறைகள் பற்றி போதிய அறிவின்மையும் விழிப்புணர்வும் மிகவும் மந்த கதியில் காணப்படுவது தெளிவாக இனம் காணக் கூடியதாகவே உள்ளது.

     ஒரு சமூகத்தில் நோய்த் தொற்றும் என்னும் போது உதாரணமாக பனிப்பட்டியினது அதன் சிறுபகுதியே நீரின் மேல் தென்படுகிறது. கண்ணுக்கு புலப்படாத மிகப் பெரிய பகுதி காணப்படுகின்றது. அது போன்றே நோய் இனம் காணப்பட்டவர்களும் நோய் இனம் காணப்படாத தொற்றுக்கு ஆளானவர்கள் எண்ணிக்கையும் காணப்படலாம். இவ்வாறெ நோய்த் தொற்றுக்குள்ளாகி இனம் காணப்படாது இருப்பவர் எண்ணிக்கை பொதுவாக மிகப் பெரிய ஒரு தொகையாகவே காணப்படும்.

     நோய்த்தொற்ற தொடர்பான சில விளக்கமின்மையும், நோய்த் தொற்றுக் குள்ளானவர்களின் இனங்காண்பதில் காண்பிக்கும் ஒத்துழைப்பு, மற்றும் அவர்களை இனம் காண்பதற்கான சோதனை முறைகளும் செயற்றிறன் குன்றிய நிலையில் அறிமுகமில்லாத பாலியல் தொடர்புகள் மிக அதிகமாகிவிட்ட தாகவே காணப்படுகின்றது.

     அறிமுகமில்லாத பாலியல் தொடர்புகள் என்பது அலைபேசிகள் ஊடும் அவை தாண்டி முகவர்களினூடும் அமைகின்றன. இவை யாவுமே நோய்த் தொற்றுக்கான வாய்ப்புக்களாகவே காணப்படுகின்றன. அறிமுகம் இல்லாத தொடர்புகள் என்றிருப்பினும் அவை அனுபவம் மிக்க தொடர்பு;களாகவே காணப்படுகின்றன. தொடர்ந்து இவ்வாறான தொடர்புகளால் பாதிப்பு ஏற்பட மாட்டாது என்ற எண்ணம் தொடர்புகளை நாடுபவர்களிடையே காணப்படுகிறது. அதாவது நெடுநாள் நிலைக்க மாட்டாது என்ற நம்பிக்கையும் இதைவிட அழகுக்கு முன்னுரிமை காணப்படுதல். இவ்வாறாக தொடர்புகள் மேலும் மேலும் வலுவடைகின்றன. இதனால் நோய்த் தொற்று என்பது இங்கு மிக வலுவாகவே காணப்படும்.    இது தாண்டி நோய்த் தொற்று தொடர்பான தடுப்பு முறைகள் பலவும் செயலிழந்து போகின்றன. அதாவது நோய்த் தொற்று தடுப்பு முறைகளும் மிகவும் நம்பகமற்றனவாக காணப்படுகின்றன. இங்கு பயன்படும் காப்புறைகள் நம்பகமற்றனவாகவும் காலாவதியானவையாகவும் காணப்படுகின்றன மற்றும் சில செயற்கை நார் வகையூடு hiv வைரஸ் புகும் தகவு காணப்படுவது பற்றிஆய்வுக் கற்கைகள் தொடர்ந்த வண்ணமே காணப்படுகின்றன. இவற்றைவிட நோய்க்கிருமிகள் குருதி, ஆண்களில் சுக்கிலப்பாயம், பெண்களின் யோனிமடற் சுரப்பு, பெண்களின் கருப்பைக் கழுத்துச் சுரப்புகள் போன்றவற்றில் காணப்படும் என்பது யாவரும் அறிந்ததே இவற்றினூடான தொடர்பை இயன்றவரை குறைக்க முற்படினும் ஏற்றளவில் வெற்றி பெற முடியாத நிலை காணப்படுகின்றது.

     இன்னும் நமது பார்வையை முரசு கரைதல் அல்லது பல் ஈறுகளினூடாக குருதி கசிவு காணப்படுபவர்களின் பக்கம் நகரத்தின் இவர்களில் மேற்குறிப்பிட்ட திரவ பாய்பொருட்களுடன் தொடர்பை ஏற்படுத்து தன்மை காணப்படுகிறது. இதனால் வாய் வழியான பாலியல் உறவின் மூலம் கூட பற்களின் ஈறுகளினூடான குருதிக் கசிவுகளினாலும் நோய்த்தொற்று ஏற்படும் என்பது உறுதியாகவே உள்ளது. இவ்வாறான நிலையில் அறிமுகமில்லாத பாலியல் தொடர்புகள் என்பது ஆபத்து என்றே அமைகின்றது. அறிமுகமில்லா பெண் - ஆண் தொடர்போ ஆண் - பெண் தொடர்போ ஆரோக்கியமற்றது. இவ்வாறு அதிகரித்துவிட்ட நிலையில் நொயை இனம் காணும் வேகமும் அதிகரிக்க வேண்டும் இல்லாவிடின் சில வருடங்களில் நோய்த்தொற்றுக்கு ஆளாகதவர்கள் எண்ணிக்கையை விட தொற்றியவர்கள் எண்ணிக்கை சாதனை படைத்துவிடும்.